PUNTOS D’INFORMACIÓN AL VISITANTE
El Muséu dispón de dos puntos d’información pa los visitantes (recepción de Velarde y recepción de l’Ampliación).
Nellos distribúyense gratuitamente folletos sobre la colección, les esposiciones, los programes educativos y les actividaes del Muséu. Amás, el personal de vixilancia repartío per tolos pisos del Muséu tamién pue informar sobre los percorríos recomendaos y valir d’ayuda al visitante.
ESPACIOS DE DESCANSU
El Muséu dispón de dellos espacios dedicaos al descansu, allugaos na planta baxa de l’Ampliación y nuna sala a la que s’accede dende la planta baxa del Palaciu de Velarde.
Amás, hai bancos repartíos per delles sales del Muséu.
PUNTOS DE CONSULTA DE PUBLICACIONES
El Muséu dispón de dellos puntos d’información onde los visitantes puen consultar publicaciones del Muséu.
VENTA DE PUBLICACIONES DEL MUSÉU
Na recepción del Palaciu de Velarde hai un puntu de venta de publicaciones del Muséu, amás d’otru material (postales, calendarios, etc.).
BIBLIOTECA
La Biblioteca del Muséu ye ún de los principales centros d’investigación histórico-artística d’Asturies. Ta a disposición, previa petición, d’investigadores, estudiantes y públicu en xeneral.
Más información sobre la biblioteca
OPINE
N’entrambes recepciones el visitante dispón de fueyes nes que pue dexar la so opinión sobre’l Muséu.
