El Muséu de Belles Artes d’Asturies ta asitiáu nun conxuntu de cuatro edificios que garren parte d’una mazana al llau de la Catedral, en plenu centru históricu d’Uviéu: el Palaciu de Velarde (sieglu XVIII), que guarda les colecciones más vieyes (sieglos XIV-XIX), la Casa d’Oviedo-Portal (sieglu XVII), dedicada dafechu al arte del sieglu XIX, l’edificiu de l’Ampliación (sieglu XXI), onde s’esponen les colecciones más contemporánees (sieglos XX-XXI) y un últimu edificiu, de mediaos del sieglu XX, que se destina a oficines y otros servicios internos del Muséu.
