Accesibilidá

El Muséu de Belles Artes d’Asturies trabaya na meyora de contino de los sos servicios al visitante, na accesibilidá de los sos espacios y conteníos y nel desenvolvimientu d’una programación educativa que faiga posible un accesu de calidá a dellos tipos de públicu, incluyío aquello con diversidá funcional.

ACCESIBILIDÁ

  • El percorríu pel Muséu ta adaptáu a persones con discapacidá física, sacante dellos núcleos, como’l taller d’educación, delles sales de la Casa d’Oviedo-Portal y la biblioteca, pola mor de que les sos característiques constructives y la so localización n’edificios históricos dificulten l’adaptación.
  • L’accesu pel Palaciu de Velarde faise per una rampla portátil, que la so instalación tien que solicitase primero.
  • Existen ascensores nel Palaciu de Velarde y na Ampliación que conecten toles plantes de dambos edificios. Toos ellos tienen numberación visual y tán señalizaos en braille y n’alturrelieve, pero nun disponen d’indicaciones sonores. La Casa d’Oviedo-Portal nun dispón d’ascensores.
  • El Muséu dispón d’aseos adaptaos.
  • En dambos accesos existe un serviciu d’empréstamu gratuitu de sielles plegables y na recepción de l’Ampliación pue pidise l’empréstamu d’una siella de ruedes.
  • Los vehículos de persones con diversidá funcional qu’asina lo soliciten van poder aportar hasta la puerta del Muséu, previa solicitú 48 hores enantes de la visita, al traviés del númberu 985 21 30 61.
  • Almítense perros guía y perros d’asistencia desque se presente la documentación correspondiente.
  • Web nueva accesible: sigue los conseyos de los estándares d’accesibilidá y bones práctiques de desenvolvimientu web de la W3C.

ACTIVIDAES DESTINAES A PERSONES CON DIVERSIDÁ FUNCIONAL

Dende’l cursu 2009-2010 el Muséu vien desenvolviendo un programa creciente y variáu destináu a colectivos con diversidá funcional, cola mira d’avanzar nel so compromisu social y xenerar un Muséu accesible a tolos públicos, un muséu pa toos. Más información sobre les visites accesibles