MISIÓN DEL MUSÉU DE BELLES ARTES D’ASTURIES
El Muséu de Belles Artes d’Asturies ta convencíu de la importancia que supón realizar, y entá más en tiempos de crisis, una xestión eficiente de los sos recursos de la qu’avanza y xenera actividá. Por eso, y partiendo de la compresión de la institución Muséu como un espaciu públicu dedicáu al caltenimientu, a la conocencia, la educación y la creación (directa o indirecta esta postrera), amás d’al traviés de la mesma esperiencia estética, el Muséu quier convidar al visitante a que sienta como propia la institución, na que lu brinda a participar.
LLINIES ESTRATÉXIQUES
El Muséu de Belles Artes d’Asturies quier asitiar un modelu sostenible de muséu basando’l so llabor en trés pegollos que, como señaló Philippe de Montebello, son indispensables pa rexir estes instituciones: la integridá, l’autoridá y l’autenticidá; y trabayando alredor de cinco principios fundamentales:
- La vuelta a les colecciones, que se convierten nel referente de toa actividá.
- L’atención al visitante, entendíu dende un puntu de vista múltiple, complexu y diversu, y siempre como un axente activu, opuestu al suxetu pasivu y neutru.
- El trabayu en rede, que dexe axuntar esfuercios, amás de compartir espacios, recursos, esperiencies y proyectos.
- El trabayu dende la Rede.
- Y la busca de financiación privada pa cofinanciar proyectos determinaos.
OXETIVOS ESTATUTARIOS
Amás, el Muséu de Belles Artes d’Asturies busca estos oxetivos estatutarios:
- Caltener y arriquecer la colección del Muséu, amás d’exhibila sistemáticamente pa la so contemplación y estudiu.
- Desenvolver programes d’esposiciones temporales y programes d’acción cultural y divulgativa pa facilitar l’accesu del públicu a la colección y esposiciones del Muséu.
- Dar servicios d’información, documentación y asesoramientu nel ámbitu de la so competencia.
- Y desenvolver programes de collaboración y cooperación con otros museos, universidaes y instituciones qu’ayuden a la meyor realización de los sos fines.
